csg458.45 csg457.30 MARTIUS. MANUSKRIPT-LINKS AUSBLENDEN APPARAT AUSBLENDEN
| 1 | KAL. MARTII. Andegavis depositio sancti Albini episcopi. |
| 2 | VI NON. Nativitas sanctorum Iorgi, Hergli, Absaloni [Lucii, Absalonis et Lorgii]. In Caesarea Cappadociae Lucae episcopi, Primitivi, et in portu Romano Pauli, Secundolae [Secundillae], Ianuariae. |
| 3 | V NON. Nativitas Felicis, Lucioli, Iusti, Fortunati, Martiae, Herotis, Antigonii, Ianuarii, csg458.46 Tultellae, Gabiani, Quiriuli, Marini; item Felicis, Floriani, Donati. |
| 4 | IV NON. Romae depositio Iuli episcopi, et Nicomediae passio sanctorum Adriani cum aliis numero triginta tribus. |
| 5 | III NON. Romae Lucii papae et martyris. Hic in exsilium propter fidem Christi trusus est, et postea nutu Dei incolumis ad Ecclesiam reversus est; qui etiam a Valeriano imperatore capite truncatus est et sepultus in coemeterio Callisti via Appia. |
| 6 | II NON. Martii depositio sancti Quiriaci presbyteri. |
| 7 | NONIS. Apud Carthaginem, Perpetuae et Felicitatis, quae bestiis sunt deputatae csg457.31 sub Severo principe, et cum Felicitas parturiret in carcere, omnium militum, qui simul patiebantur, precibus impetratum est ut octavo mense pareret. Iam vero Perpetuae inter alia concessum csg458.47 est ut eius mens quodammodo averteretur a corpore, in quo vaccae impetum pertulit, ita ut adhuc futurum exspectaret quod in se iam gestum esse nesciret. |
| 8 | VIII ID. MARTII. In Nicomedia Quintili [Quinctilis] episcopi, et Capitulini. In Africa Rogati, Felicis, item Rogati Beremae [Beatae], Hereniae, Felicitatis, Orbani [Urbani], Cyrilli episcopi, Silvani, et Manili [Mamili]. |
| 9 | VII ID. In Sebaste Armenia Minore quadraginta militum tempore Licinii regis, sub praeside Agricolao, qui post vincula et carceres creberrimos, post caesas lapidibus facies, missi sunt in stagnum, ubi gelu constricta corpora eorum nocte disrumpebantur, et mane crucifragio martyrium consummarunt. Deinde corpora eorum combusta, et in fluvio proiecta, sed divina dispensatione reliquiae eorum integrae sunt repercsg457.32tae et honore digno conditae. Erant autem csg458.48 nobiliores inter eos Quirinion [Cyrion] et Candidus. |
| 10 | VI ID. In Antiochia Agapae [Agapes] virginis, et Marianae. Smyrnae, Phronis. In Nicomedia Palatini, Firmiani et Rustici. In Alexandria Eracli [Heraclii], Zosimi, Alexandri, et Gaiperii [Candidi et Piperionis]. |
| 11 | V ID. In Sebastia civitate nativitas martyrum quadraginta qui temporibus Licinii imperatoris, et Agricolai praesidis, et Lysiae ducis, pro nomine Christi martyrium passi sunt, quos Agricolaus praeses, cum ad culturam deorum convertere non posset, lapidibus obrui praecepit. Sed lapidatores eorum alterutrum secum lapidibus caedebant, nec martyres nocere poterant. Dux vero Lysias, exardescens ira, tulit lapidem ut percuteret aliquem sanctorum; sed miro Dei nutu ipse lapis in faciem pervenit praesidis: quos in stagnum gelatum glacie praeses misit, sed Dei voluntate ipsum frigus temperatum est, et glacies dissoluta csg458.49 aqua calida facta est. Unus autem de ipsis quadraginta poenarum timore perterritus, ad balneum refugit; sed mox ut atcsg457.33tigit calorem resolutus est, et sic reddidit animam: in cuius locum clavicularius, qui sanctos martyres custodiebat, credens Christo substitutus est, videns coronam de coelo descendere super singulos qui in confessione perstiterant. Tyrannus vero, repletus ira, iussit eos duci ad littus, et baculis eorum crura confringi, et item in mare proiici; sed, Deo volente, martyrum reliquiae in aquae profundo religiosis viris revelatae sunt, et inde ablatae et in loculis honeste conditae sunt. |
| 12 | IV ID. Romae depositio sancti Gregorii papae, qui in lege Dei luculentissimus doctor exstitit, et gentem Anglorum per Augustinum et Mellitum atque Ioannem servos Dei ad fidem convertit. |
| 13 | csg458.50 III ID. In Nicomedia nativitas Macedonii presbyteri, et Patriciae uxoris eius, et filiae Modestae. In Nicaea, Theusetae et Horis filii eius. Theodorae. Hi omnes igni concremati sunt. Iulii episcopi, Alexandri. |
| 14 | II ID. In Carthagine nativitas sanctorum Donacsg457.34ti, Effrosii, Fronimi; in Nicomedia natale Felicissimi, Frontinae. |
| 15 | ID. MARTII. In Cappadocia passio sancti Longini martyris: de quo in libello martyrii eius narratur quod aliquando militans sub centurione Romano, in passione Domini latus eius cum lancea in cruce aperiret, et viso terraemotu et signis quae fiebant, crediderit in Christum, poenitentiam agens de operibus suis pristinis: postea monachus factus per triginta et quatuor annos Christo militavit, multos convertens ad fidem Dei; ad extremum vero martyrizavit in Cappadocia sub Octavio praeside, csg458.51 quem, propter infidelitatem suam divino iudicio percussum corporea caecitate, post martyrium suum illuminavit. |
| 16 | XVII KAL. APRILIS. Natalis sancti Cyriaci, qui post longam carceris macerationem quam a Maximiano pertulit, cum Sisinnio condiacono suo, et Smaragdo, et Largo, post multa facta miracula, in quibus filiam Diocletiani Artemiam, ipsius rogatu a daemocsg457.35nio liberavit ac baptizavit, filiam quoque Saporis regis Persarum Iobiam, missus illuc a Diocletiano pro hoc, aeque a daemonio liberavit ac baptizavit cum ipso rege et aliis quadringentis triginta; et rediens Romam post mortem Diocletiani tentus est inter alios Christianos a filio eius Maximiano , et in custodiam missus, eo quod sororem suam Christianam fecisset, deinde praecepit ut die processionis suae nudus catenis obligatus ante rhedam csg458.52 eius traheretur; et post hoc eductus est de carcere cum sociis Largo, et Smaragdo, et Crescentiano, per Carpasium vicarium, et pice reliquata caput eius perfusum est. Et rursus post dies quatuor denuo de carcere in catasta extentus ac tractus, nervis et fustibus caesus, post [Forte duos vel tres] dies, iubente Maximiano, capite truncatus est cum Largo, et Smaragdo, et aliis viginti. Scriptum in gestis Marcelli papae. Ipso tempore Maximiani Deus interfecit sororem suam Artemiam. |
| 17 | XVI KAL. In Scotia natalis Patricii episcopi, qui in Hibernia insula Scotis primum csg457.36 praedicavit nomen Domini nostri Iesu Christi; et natalis Mariae martyris. Haec quoque cum esset ancilla cuiusdam Tertulli praeclari viri, et nollet in natali filii eius prandiis domini sui interesse, sed magis Christianorum more ieiuniis operam dare, flagellis atrocibus ab eodem domino suo lacecsg458.53rata est: sed cum non posset ab instantia per hoc servitii Christi ad idolorum cultum revocari, iudici publico ad puniendum tradita est. Ubi dum carnifices eam incendio tradere voluissent, propter preces populi data est ei inducia trium dierum; triduo ergo completo cum iterum puniri deberet, mirabiliter Domini misericordia erepta est. Nam cum orationem ad Dominum fudisset, unde petra ingens, quae ante eam fuerat, per medium scissa illam in se recipiebat, et undique concludens hostium furori restitit. Ad quam populus concurrens cum vellet secundum iussum principis ipsum lapidem destruere, fulmine ac tonitru coelitus emisso, plurimi eorum interiecsg457.37runt, ita ut duo millia et septingenti ex ipsis divino iudicio exstincti fuerint, pauci vero qui remanserant, conversi ad Dominum, in Christiana religione permanserunt. |
| 18 | csg458.54 XV KAL. In Alexandria natalis Colestici; et in Nicomedia, Aprilis et Servuli; et in Lucania, Quinti, et Ingenui, et Rogatae; et in Mauritania, Timothei. |
| 19 | XIV KAL. In Spolitana [Spoletana] civitate nativitas Ioannis confessoris, qui peregrinus de Sicilia illuc venit, et in suburbano eius aedificavit monasterium, et habitavit ibi quatuordecim annis, ubi et requievit in pace. |
| 20 | XIII KAL. In Britannia sancti Chudberti episcopi, qui vitam plenam virtutibus ducens, tandem anachoreta diem ultimum clausit, cuius corpusculum post undecim annos de sepultura levatum, inventum est integrum cum vestitu quo indutus fuerat, ac si ipsa die in monumentum positum fuisset. |
| 21 | XII KAL. Sancti Benedicti abbatis, qui Regulam scripsit monachorum cum csg457.38 magna discretione. Eodem die in Alexandria depositio Serapiocsg458.55nis monachi. |
| 22 | XI KAL. In Arbona [Narbona] civitate natalis Pauli confessoris. In Africa, Saturnini et aliorum novem. In Sebastia Decroni et Arionis. |
| 23 | X KAL. In Africa natalis Fidelis et aliorum viginti. |
| 24 | IX KAL. In Syria natale Seleucis [Seleuci]; et in Africa, Agabi. |
| 25 | VIII KAL. Annuntiatio incarnationis Dominicae, et Hierosolyma Dominus noster Iesus Christus crucifixus est, et passio sancti Iacobi fratris Domini, qui in Paschae solemnitate Iudaeis Christum testificans de templi est culmine praecipitatus, ac fullonis vecte percussus. Et in Nicomedia natale Dulae ancillae militis, quae pro castitate occisa est. Et Romae, Cyrini [Quirini], qui interfectus a Claudio, et in Tiberim iactatus, in insula Lycaoniae inventus, et in coemeterio Pontiani conditus est. Scriptum est in passione sancti Valentini. |
| 26 | csg458.56 VII KAL. In Syrmio Montani presbyteri, Maximae uxoris eius. Romae, via Lavicana, natale sancti Castuli martyris. |
| 27 | VI KAL. Hierosolyma resurrectio Domini nostri Iesu Christi. |
| 28 | csg457.39 V KAL. In Africa natale Rogati, Successi; et in Caesarea Mare [Forte Mauritaniae] depositio sancti Dagolaphi; et in Africa aliorum sedecim. |
| 29 | IV KAL. In civitate Pisana natale sancti Torpetis martyris, quem Nero imperator iussit magnam Dianam matrem deorum adorare, quod ipse renuens repletus Spiritu sancto, et dixit: 'Melius est unum Deum adorare, qui fecit coelum et terram, et omnia quae in eis sunt, quam plures deos colere, hoc est daemones.' Exiens sanctus Torpes de palatio multum intra se cogitans dixit: 'Quid faciam idolis serviendo et baptismum salutis non accipio?' Tunc ascendit in montem et clamare coepit, dicens: 'Pater Antoni, ubi es?' Respondit presbyter Antonius csg458.57 et dixit: 'Et quis es tu, fili?' Sanctus Torpes dixit: 'Ego sum servus tuus Torpes;' tunc Antonius baptizavit eum in nomine Patris, et Filii, et Spiritus sancti. Tunc statim angelus Domini apparuit sancto Torpeti, et dixit ei: 'Forti esto animo, quia tu nobiscum eris in paradiso.' Postea Nero perrexit Romam et Satellico cognato suo praecsg457.40cepit sanctum Torpetem in carcerem recipi, et alapis caedi, et ad columnam Habentinam nudo corpore religari, et dum sanctus Torpes complesset orationem, cecidit illa columna, et oppressit ex impiis quinquaginta, et ipse Satellicus sub ea mortuus est. Tunc filius Satellici, nomine Silvinus, dum haec ita agerentur, iussit ut leo eum ad devorandum dimitteretur: qui subito dimissus dans rugitum super eum, et eadem hora mortuus est; et iterum dimissus est leopardus, et ipse flectens caput lingebat csg458.58 plantas eius. Tunc praecepit Silvinus ministris ut ad mare duceretur et ibidem decollaretur. Sanctus vero Torpes, spem habens ad Dominum, ita oravit: 'Domine, suscipe spiritum meum,' et sic a carnifice decollatus est. Eodem die passio Achacii. |
| 30 | III KAL. Natale domni Philippopoli, et Iacaici, et depositio Austasii abbatis et Nicaei episcopi. |
| 31 | II KAL. In Africa natale Anisi [Anesii] et depositio Ambrosii episcopi, et natale septem virginum, quarum nomina Deus scit. |